#代絲打出post
離婚兩次，老公出軌/俾男人打/經常為小事艾交，已經次次被粗口問候到入心入肺，說話有幾難聽都聽過，今時今日眼淚已唔識流，心碎到一個點，重重複複既打擊，其實我好心傷。
我唔係明知對方人唔好都照衝個頭落去，開頭永遠好到不得了，個個讚，完美無缺，每次都以為自己搵到對的人，原來時間證明一切，唔係人心變，只係佢地做回真正既自己，我睇到既只係面具，所以當佢地習慣做返自己，一次又一次傷害，一千次既機會，到左第一千零一次我谷爆了，決定離開，結局係佢地先好傷心不停喊，話唔捨得唔想放手，又話改改改⋯我唔係鐵石心腸既人，點解兩個男人要等到一千零一次先話「洗心革面，重新做人」，而唔係一早就要珍惜？令我覺得自己什麼都不如。
身邊朋友聽完我講每次佢地做過既事之後，個個都話係我先忍到一千次，正常人唔夠十次都會轉身走。我唔敢認自己係咪咩好女人，我都有缺點，但习蠻潑辣未論到我，不過到左今時今日，太善良、太有耐性、太懂得諒解，係咪都係壞事？係咪女人唔壞唔惡，男人唔愛？做林善個個一定俾人蝦？
而家既我三十歲頭，局外人睇一定話：唔怕，將來會遇到個好。
我覺得自己有陰影，對男人全失信心，好怕好一陣，又衰過，真係好虐心，同埋要接受我既過去都唔易。
完全唔急搵男人，根本無心機，兩段婚姻加埋既日子我完全無開心過，難受地過活，真係無誇張的。曾經開心過既短短日子，一早被多次既傷心蓋過。
如果身邊有男人追求，通常都講得好好聽，講好多次唔介意唔介意，我完全唔知點踏出第一步，有無人有類似經歷可以分享下？
____
快d Follow
巴打絲打ig : @brothersisterhk
淘母娘娘ig: @tomoleungleung
___
#巴打絲打 #淘母娘娘 #絲打有話兒 #陰公豬 #愛情 #愛情信箱 #couple #男朋友 #女朋友 #情侶 #愛人 #矛盾只因深愛著 #想講你知
Search